Técnicos municipais do Concello de Curtis reciben formación integral sobre o contido e uso da Sede Electrónica.

A actividade, impartida por técnicos da Deputación, tivo un enfoque práctico e capacitará aos funcionarios no aproveitamento das distintas funcionalidades de Sede.

Técnicos da Deputación da Coruña desprazáronse ao Concello de Curtis para impartir formación específica sobre Sede electrónica.

A xornada, de carácter presencial, dá resposta á necesidade de formación especializada e continua na materia aos empregados públicos dos entes locais. Presentáronse todas as funcionalidades da sede electrónica e realizáronse exemplos prácticos que permitirán ao persoal do Concello transferir este coñecemento á cidadanía e fomentar o seu uso xeneralizado.

Esta sesión encádrase dentro da axenda de formación do proxecto global de dixitalización das administracións locais da provincia da Coruña, no que Curtis participa como concello piloto.

O obxectivo deste proxecto é alcanzar, no próximos tres anos, a plena dixitalización dos procesos administrativos dos concellos e entidades locais na provincia.